11 de maiu 1920, una die de no iscaresci

S’undixi de maiu de su 1920 est una die chi sa tzitadi e su mundu operaiu totu non podint iscaresci, alloddu s’irei, difatis, de dd’arremonai mancai in is social, ca in presentzia ocannu non si podit fai nudda. Fiant prus de tremila is pressonis protestendi, is guardias regias aiant sparau contra a sa genti e cincu fiant mortu a s’istanti, àterus duus si fiant mortus apustis.
Sa batalla fiat inghitzada giai unas cantu dies acou: sàbudu 8 de maiu de su 1920 is operaius de is minieras de Campo Pisano, Monteponi e San Giovanni si fiant adòbiaus po si chesciai ca su su chi ddus donaiant fiat pagu. Sa diretzioni minerària no aiat agradèsciu e nd’aiat bogau 1 lira e 40 centesimus de su stipèndiu a totus cussus chi fiant in sa manifestatzioni. Fintzas su sìndigu Angelo Corsi aiat provau a fai arrexonai sa diretzioni, ma debaras. Is operaius, non arrendit e s’undixi de maiu sunt in tremila, si prensentant in pratza de Municipiu, e inguni acontèssit su peus: seti minadoris perdint sa vida. Sa violentza contra a sa giustìtzia, sa prepotentzia de is meris contra is pòbirus at bintu un’àtera borta. Mancai siant passaus cent’annus e siaus in tempus de Coronavirus cussa data tocat a dd’arregordai, oi, chi àterus, fintzas in àterus logus, sunt abetendi giustìtzia, comenti est su deretu a sa tzitadinantza po is messaius stràngius in su meridioni de s’Itàlia.