Sergio Mattarella in Tatari po oberri s’annu acadèmicu nùmeru 458

S’Universidadi tataresa tennit totu aparixau po arritzi lunis 24 de friaxu, su presidenti de su stadu italianu, Sergio Mattarella, chi at a pigai parti a s’inaugurazione de s’annu accademico nùmeru 458. Sa tzerimònia at acontèssi in s’aula magna de sa sei de rapresentantzia, in pratza Universidadi. Cun su presidenti Mattarella nci at a essi fintzas su ministru de s’Universidadi e de sa Circa, Gaetano Manfredi, e sa rapresentanti de s’Agentzia de is Natzionis unias po is disterraus, Carlotta Simi. “Sa presentzia de su presidenti de sa Repùblica est unu fatu de importu, chi cunfrimat s’interessu suu po sa cultura e sa formatzioni, valoris de fundamentu po unu stadu – at nau su retori Massimo Carpinelli presentendi sa tzerimònia – sa presentzia de Mattarella e de Manfredi amostat su status de valori mannu chi tennit s’ateneo cosa nostra e rapresentat fintzas un’ocasioni manna po Tatari, chi essendi sa tzitadi de Antonio Segni e de Francesco Cossiga est abituada cun is presidentis de sa Repùblica”. Parrit chi non siat prevèdiu perunu discursu de su presidenti Mattarella, ma at a depi fueddai sceti su ministru Gaetano Manfredi.