In s’adòbiu de is piscamus sardus acontèssiu martis 9 de làmpadas passau, intra is traballus, fintzas sa nòmina de su segretàriu nou. A pustis de sa cunfrima de is dimissionis de Sebastiano Sanguinetti, piscamu de Tèmpiu, ma in scadentza, giai ca at fatu 75 annus su 29 de martzu passau, e arremonaus a sa ghia de sa segreteria de sa Cunferentzia episcopali sarda (Ces) giai de otu annus, is piscamus, ghiaus de su presidenti e Piscamu de Nuoro – Lanusei, Antonello Mura, ant inditau a Corrado Melis, piscamu de Otzieri, cali segretàriu nou. Melis tennit 57 annus, nàsciu in Sardara, in sa diocesi de Ales – Terralba, est piscamu de su 2015. Mons. Melis duncas pigat su postu de Sanguinetti, po immò in sa segreteria de sa Ces, ma parrit, a lestru, fintzas in sa diocesi de Tèmpiu, chi at a ghiai impai a cussa de Otzieri.
Guido Cadoni
