* Su sòtziu culturale Acadèmia de su Sardu APS faghet ischire chi chenàbura su 25 de Capidanni 2026 in Nùgoro a sas ses de bortaedie (h 18:00), in Pratza Sebastiano Satta in sa domo de su sòtziu culturale IBIS APS, b’at a èssere sa presentada de sos lìberos ‘Su Sardu Standard’ e ‘Su Sardu, lìngua de Europa’.
Introduit e coordinat sa presentada Cristoforo Puddu de su sòtziu culturale IBIS APS de Nùgoro, intames sos lìberos an a èssere presentados dae Giuanni Spano (vicepresidente de Acadèmia de su Sardu APS) e dae Vitòriu Pinna (Responsàbile de Acadèmia de su Sardu APS pro su sardu logudoresu-nugoresu). A s’agabbu de sa presentada b’an a èssere sos interbentos de sa zente.
Acadèmia de su Sardu APS cùmbidat totu sos tzitadinos nugoresos e de sas biddas lacanantes a pigare parte, at a èssere s’ocasione pro faeddare de sa limba sarda e de sa salude sua.
S’addòbiu est organizadu dae su sòtziu culturale IBIS APS de Nùgoro cun s’azudu de su sòtziu culturale Acadèmia de su Sardu APS.
* S’assòtziu culturali Acadèmia de su Sardu APS fait sciri ca cenàbara su 25 de Cabudanni 2026 in Nùgoro a is ses de merii (h 18.00), in Pratza Sebastiano Satta in sa domu de s’assòtziu culturali IBIS APS, nci at a essi sa presentada de is lìburus ‘Su Sardu Standard’ e ‘Su Sardu, lìngua de Europa’.
Introdusit e coordinat sa presentada Cristoforo Puddu de s’assòtziu culturali IBIS APS de Nùgoro, intamis is lìburus ant a essi presentaus de Giuanni Spano (visu-presidenti de Acadèmia de su Sardu APS) e de Vitòriu Pinna (Arresponsàbili de Acadèmia de su Sardu APS po su sardu logudoresu-nugoresu). A s’acabbu de sa presentada nci ant a essi is interbentus de sa genti.
Acadèmia de su Sardu APS cumbidat totu is tzitadinus nugoresus e de is biddas lacanantis a pigai parti, at a essi s’ocasioni po chistionai de sa lìngua sarda e de sa saludi sua.
S’atòbiu est organizau de s’assòtziu culturali IBIS APS de Nùgoro cun s’agiudu de s’assòtziu culturali Acadèmia de su Sardu APS.
