In custu tempus passau Papa Frantziscu at nomenau Piscamu de sa diocesi de Lanusei S.E. Mons. Antonello Mura, Piscamu de Nuoro e Amministradori Apostòlicu de Lanusei, ponendi impai in persona Episcopi is Diocesis de Nuoro e de Lanusei. Sa matessi cosa est abetada po Ales e Aristanis, cun su Piscamu Roberto Carboni chi est Piscamu de Aristanis de su 2019, abompiendi sa diocesi de Ales a comenti Amministradori. Su fatu est ca is predis (cincuantatres, non totus, ma giai totus) de Ales ant scritu a Roma pedendi a su Papa unu piscamu nou, ma su Nùntziu apostòlicu ddus at torraus ca no, s’idei de Papa Frantziscu est de ridui su nùmeru de is diocesis in Italia, poita sunt tropus, e lompi de is 220 de immò a 130. Ma nci bolit tempus, tocat a ddu fai cumprendi a sa genti, ma innantis a is predis!
Matessi cosa at acontessi in sa diocesi de Tempiu, abui a pustis de is dimissionis de su piscamu Sebastiano Sanguinetti, chi at cumpriu setantacincu annus in su mesi de martzu passau, parrit chi non lompat perunu piscamu nou ma at a essi cussu de Otzieri, Corrado Melis, a si fai càrrigu de totu is duas diocesis. A pagu, a pagu de is dexi diocesi sardas nd’at a abarrai seti. Custa est sa volontadi de sa crèsia romana chi non torrat paris cun sa crèsia sarda.
